...

Þá er bærinn aðeins rauðari en áður eftir fremur óspennandi kosningar. Húsmóðirin á Austurgötunni hélt sína prívat kosningarvöku sofandi í sófanum eftir að hafa sussað u.þ.b. 1000 sinnum á systurnar og Önnu Maríu sem gisti. Bóndinn var aldrei þessu vant að tjútta með æskupungum sínum en þrátt fyrir hvatnigarorð frúarinnar kom hann heim snemma - stilltur og prúður. Engin frammistaða!! Frúin verður þá bara að sjá um djammdeildina fyrir allt heimilið.

Þau undur og stórmerki gerðust annars á Austurgötunni í dag að kl. 13:05 reis bóndinn upp úr sæti sínu og sagðist ekki nenna að vinna meira í dag. Húsmóðirin réði sér ekki af kæti en þar sem hún er eigingjörn kona með eindæmum ákvað hún að nú skyldi fjölskyldan drífa sig út úr bænum - og fá hvíld frá stöðugu renneríi 5-10 ára barna. Þá var bara að henda saman nesti og setja upp sólgleraugun. Viðkomustaðirnir voru Grjóteyri í Kjós, pikknikk og ör-fjallganga þar rétt innar í Kjósinni og svo til Þingvalla. Bóndinn fékk tækifæri til að sýna karlmennsku sína á leiðinni þar sem það sprakk á druslunni (það hefði örugglega ekki gerst á Landcruiser sko!). Svo var endað í meatloaf í Hlyngerðinu. Góður dagur (þó að bóndinn hafi verið boðaður á fund eftir kvöldmat - maður getur víst ekki verið of kröfuharður).