...

Húsmóðirin biðst velvirðingar á bloggleti. Sér til málsbóta vill hún benda á að bóndinn á bænum (sem tölvan er samvaxin við) er ekki mikið á landinu þessa dagana þannig að ekki hefur enn verið dælt myndum af vélinni. Nú er hann í San Fransisco

Fjölskylda brá sér til Köben um síðustu helgi og átti þar 5 góða daga saman í rjómablíðu. Fjölskyldan fráa tók að sjálfsögðu "allan pakkann" og gerði allt það helsta sem maður gerir í Köben, þ.e. Tivoli (8 klst. samtals), dýragarður, Nýhöfn, Strikið... Fórum á alls konar rólóa og líka í alveg frábært vísinda / tilraunasafn, Experimentarium. Svo var bara spásserað, spókað, lallað og rölt. Í þessum frílisteringum sló Katrín Vala öll met í gönguþreki fjegurra vetra. Stelpurnar er alveg á því að þær vilja helst búa í Danmörku. Ekki á þessu "venjulega Íslandi". Sérlega skemmtilegt þótti þeim (og foreldrum þeirra) að koma í heimsókn til Gunna og Elvu og Matta og Marianne þar sem hægt var að leika sér í allskonar flottu dóti og leiktækjum. Fjölskyldan þakkar þessum vinum vors og blóma góðar samverustundir og veittar veitingar. Lifið heil.