...

Lillan, dúllan, Gyðríður Gæflaug, Snæfríður Snjólaug .......... Hin ýmsu nöfn, ónefni og ekki-nöfn hafa verið notuð um litlu manneskjuna. Foreldrar hennar hafa ekki ennþá komist að niðurstöðu um nafn þannig að svarið við spurningunni "Hvenær ætlið þið að skíra/nefna?" er sumsé enn sem komið er "Veit ekki".
Sú stutta dafnar annars bara vel. Sefur eins og steinn flestar nætur og heldur foreldrum sínum í formi flest kvöld með því að láta ganga um gólf með sig, sussa, hossa og svona-svona. Líklega einhvað magavesen í gangi sem vonandi gengur yfir.
Þessar myndir eru reyndar vikugamlar. Barnið er nefninlega svo útsteypt í hormónabólum þessa dagana að það er eins og óheppið fermingarbarn í framan - nánast óþekkjanlegt. Sjáum til hvort við tökum upp myndavélina á næstunni og birtum myndir af henni í þessu ástandi.